Ötən həftə sonu Türkiyədə Halal Konqresi işə başlayıb. İlk beynəlxalq halal məhsulların konfransına 16 ölkənin nümayəndələri qatılıb.
Ankarada keçirilən bu toplantı İslam Araşdırma və İnformasiya Palatası tərəfindən təşkil olunub. Bu konqresdə həmçinin İslam Konfransları Təşkilatı, İslam İnkişaf Bankı və digər nüfuzlu qurumlar təmsil olunublar.
Konqresdə yalnız halal qida məhsulları deyil, həmçinin halal dərmanlar, gigiyenik məhsullara dair müzakirələr aparılacaq. Otellər, restoranlar, bank və turizm sektorunda istifadə olunan bir sıra məhsulların halallığına dair diskussiyalar açılacaq.
