ABŞ vətəndaşı suriyalı fəalları güdməkdə ittiham olunur

Virciniya ştatında əslən Suriyadan olan ABŞ vətəndaşına qarşı rəsmi ittiham irəli sürülüb.

Mohamad Soueid ABŞ-da olan suriyalı fəalları güdməkdə,xarici hökumətə işləməkdə şübhəli bilinir.

İstintaqın gəldiyi nəticəyə görə o apreldən iyunadək Suriya kəşfiyyatına ABŞ-da Suriya rejiminə qarşı keçirilmiş aksiyalar barədə 20 videoyazı göndərib.

İttihamda həmçinin onun iyunda Suriyaya getdiyi və şəxsən prezident Bashar Assadla görüşdüyü bildirilir.