Polşada parlament seçkiləri keçirilir

İctimai rəy sorğularının nəticələrinə görə, hakim «Vətəndaş Platforması» və müxalifətdə olan «Qanun və Ədalət» partiyaları başda olmaqla parlamentə 5 partiya düşə bilər.

«Vətəndaş Platforması» ilə «Qanun və Ədalət» partiyasının şansı daha çoxdur.

Bu partiyaların ayrılıqda 30 faizə yaxın səs toplayacaqları gözlənilir.

Hər 10 poşalıdan biri isə keçmiş kommunistlərə səs verəcəklərini bildiriblər.

Şərhçilər hesab edirlər ki, seçki Polşanın gələcəkdə Rusiya və ya Almaniya meyilli olmasını təyin edəcək.

«Qanun və Ədalət» partiyasının sədri Jaroslaw Kaczynski son vaxtlar Almaniya əleyhinə şərhlər verib.

Eyni zamanda baş nazir Donald Tusk Rusiya ilə ələqələrin yaxşılaşdırılmasına can atır.