Gənclərin İran səfirliyi qarşısında aksiyasına imkan vermədilər

Oktyabrın 6-da bir qrup gənc İranın Azərbaycandakı səfirliyi qarşısında aksiyaya cəhd edib.

Amma polis etirazçıların səfirliyə yaxınlaşmasına imkan verməyib. Aksiyaçıların qarşısı metronun «İçərişəhər» stansiyasında alınıb.

Dünya Azərbaycanlıları Konqresinin (DAK) Gənclər Təşkilatının sədri Samir Turan AzadlıqRadiosuna deyib ki, polis yalnız 2 nəfərin qətnaməni səfirliyə təqdim etməsinə razılıq verib.

Qətnamədə İranda yaşayan azərbaycanlıların hüquqlarının pozulmasına etiraz edilir.