Suriyanın Rastan şəhərində 3 gündə 3 min adam tutulub

Suriyanın insan haqları müdafiəçilərtinin məlumatına görə son 3 gündə Rastan şəhərində 3 min adam həbs olunub.

Yerli Koordinasiya Komitəsinin məlumatına görə, şənbə günü hökumət qoşunları bu şəhəri tutandan bəri onlarla etirazçı öldürülüb, üç min adam tutulub.

Rastan uğrunda döyüşlər ölkədə martdan bəri ən qanlı döyüşlər olub.
Suriyada prezident Bəşər əl-Əsədin istefası tələbi ilə nümayişlər mart ayından başlanıb.