İnterpol Saadi Qaddafinin həbsi üçün sanksiya verib

Bu gün İnterpol Muammar Qaddafinin oğlanlarından biri Saadi Qaddafinin həbs olunması üçün sanksiya verib.

Saadi Qaddafi həm Liviya Futbol Federasiyasına rəhbərlik etdiyi dövrdəki əməllərinə, həm də ölkədəki hərbi münaqişəyə görə ittiham olunur.

Bəzi məlumatlara görə, Saadi Qaddafi sentyabrın əvvəlində Nigerə qaçıb. Onun atasının yeri isə məlum deyil.