Hakimliyə imtahan verənlərin siyahısı açıqlanıb

Azərbaycanda vakant hakim vəzifələrinin tutulması üçün elan olunan müsabiqənin nəticələri açıqlanıb.

Məhkəmə-Hüquq Şurası hakimliyə imtahan verən namizədlərdən 60 və daha yüksək bal toplayan 178 nəfərin siyahısını saytında yerləşdirib. Bu namizədlər növbəti mərhələyə keçirlər.

İmtahan Bakı İdman Sarayında sentyabrın 18-də keçirilib.

400-dən çox hüquqşünas özünü imtahanda sınayıb.

Son illər test yolu ilə 235 hüquqşünas hakim vəzifəsinə təyin edilib.