"Qanun" nəşriyyatı görkəmli yazıçı İsmayıl Şıxlının son romanını latın qrafikasında çap edib.
İsmayıl Şıxlı "Ölən dünyam" adlanan bu tarixi romanını ölümündən beş ay qabaq tamamlaya bilmişdi.
Halbuki o bu romanı yazmaq qərarına hələ çox əvvəllər gəlmiş, təəssüf ki, ideyasını sovet gerçəkliyində obyektiv səbəblər ucbatından reallaşdıra bilməmişdi.
İsmayıl Şıxlının kulta çevrilmiş “Dəli Kür” romanından dərhal sonra, ilk variantda “Qanlı təpə” adıyla qələmə almaq istədiyi bu əsər 20-ci illərin mürəkkəb və ziddiyyətli həyatını əhatə etməli idi.
“Lakin mövcud olan qadağalar, arxiv sənədlərinin gizlin saxlanılması, o illərdə baş verən əsl həqiqət və ziddiyyətlərin meydana çıxarılıb açıq söylənilməsinə qoyulmuş yasaqların nəticəsində tarixi dövrü olduğu kimi verməyin qeyri-mümkünlüyü məni fikrimdən daşındırdı.
Gördüm ki, yazacağım əsər yazılmış əsərlərin (“Dünya qopur”, “Dumanlı Təbriz”, “Bir gəncin manifesti”, “Səhər”, “Şamo”) təkrarından başqa bir şey olmayacaq. Ona görə də, romanı yazmamağı qərara aldım”, – müəllif yazır.
O, bir də müstəqillik dövründə bu ideyasına qayıdır, özgürlüyün verdiyi imkanlardan istifadə eləyərək xəstəliyi və gözünün zəifləməsinə baxmayaraq, doğmalarının fədakar yardımı sayəsində romanı yazmağa başlayır və uğurla başa çatdırır. Bu dəfə roman belə adlanır: “Ölən dünyam”.
Ölməz yazıçının bu əsəri oxucuları “Dəli Kür”dən uzun illər sonra bir daha sehrləyəcək və onlara gözəl nəsrin zövqünü yaşadacaq.
Xatırladaq ki, sentyabrın 28-30-da keçiriləcək Bakı Kitab yarmarkasında, elə ilk gün, saat 17 00 Ismayıl Şıxlının “Ölən dünyam” kitabının təqdimatı olacaq.
Kitabı ölməz yazıçının oğlu Fərrux Şıxlınski təqdim edəcək. Təqdimat nəşriyyatın stendi qarşısında olacaq.
İsmayıl Şıxlı "Ölən dünyam" adlanan bu tarixi romanını ölümündən beş ay qabaq tamamlaya bilmişdi.
Halbuki o bu romanı yazmaq qərarına hələ çox əvvəllər gəlmiş, təəssüf ki, ideyasını sovet gerçəkliyində obyektiv səbəblər ucbatından reallaşdıra bilməmişdi.
İsmayıl Şıxlının kulta çevrilmiş “Dəli Kür” romanından dərhal sonra, ilk variantda “Qanlı təpə” adıyla qələmə almaq istədiyi bu əsər 20-ci illərin mürəkkəb və ziddiyyətli həyatını əhatə etməli idi.
“Lakin mövcud olan qadağalar, arxiv sənədlərinin gizlin saxlanılması, o illərdə baş verən əsl həqiqət və ziddiyyətlərin meydana çıxarılıb açıq söylənilməsinə qoyulmuş yasaqların nəticəsində tarixi dövrü olduğu kimi verməyin qeyri-mümkünlüyü məni fikrimdən daşındırdı.
Gördüm ki, yazacağım əsər yazılmış əsərlərin (“Dünya qopur”, “Dumanlı Təbriz”, “Bir gəncin manifesti”, “Səhər”, “Şamo”) təkrarından başqa bir şey olmayacaq. Ona görə də, romanı yazmamağı qərara aldım”, – müəllif yazır.
O, bir də müstəqillik dövründə bu ideyasına qayıdır, özgürlüyün verdiyi imkanlardan istifadə eləyərək xəstəliyi və gözünün zəifləməsinə baxmayaraq, doğmalarının fədakar yardımı sayəsində romanı yazmağa başlayır və uğurla başa çatdırır. Bu dəfə roman belə adlanır: “Ölən dünyam”.
Ölməz yazıçının bu əsəri oxucuları “Dəli Kür”dən uzun illər sonra bir daha sehrləyəcək və onlara gözəl nəsrin zövqünü yaşadacaq.
Xatırladaq ki, sentyabrın 28-30-da keçiriləcək Bakı Kitab yarmarkasında, elə ilk gün, saat 17 00 Ismayıl Şıxlının “Ölən dünyam” kitabının təqdimatı olacaq.
Kitabı ölməz yazıçının oğlu Fərrux Şıxlınski təqdim edəcək. Təqdimat nəşriyyatın stendi qarşısında olacaq.
