Əhmədinejad Azərbaycanla münasibətlərdən danışıb

«İran və Azərbaycan iki dost və qardaş ölkədir və heç bir amil bu qardaşlıq münasibətlərini poza bilməz».

Bunu İran prezidenti Mahmud Əhmədinejad (Mahmoud Ahmadinejad) sentyabrın 15-i İranın Azərbaycanla sərhədində yerləşən Parsabad şəhərində çıxışında deyib.

Bu barədə İranın «Mehr» agentliyi məlumat verir.

«Biz Azərbaycanla qardaşlıq münasibətlərini və onun müstəqilliyini dəstəkləyirik. Sərhəd bölgələrində Azərbaycanla İranın əlaqələrinin möhkəmləndirilməsində və bütün sərhəd keçid məntəqələrinin fəaliyyətinin genişləndirilməsində maraqlıyıq», - İran prezidenti bildirib. /Trend/