Keçid linkləri

Təcili xəbərlər
2021, 29 Noyabr, Bazar ertəsi, Bakı vaxtı 19:14

Abbas Abdulla. Sağlıq


Bir məclisdə “sağlığıma” içdi
bir nəhs oğlu nəhs:
- Yüz əlli il ömr eləyib filankəs,
sən də yaşa o qədər.
Boşaldı qədəhlər.
Bir demədi bu nəhs oğlu nəhs
ömrün bütün günlərini
yaşayıbmı filankəs?
Özündən başqa bir adamın qayğı yükünü
daşıyıbmı filankəs?
Yaşayıbmı görəsən?
Kimlərdən seçilib dəst-xətti?
Hansı meyarla ölçülüb ömrünün həddi?
Rüşvətilə hədiyyəsinin,
hörmətilə yaltaqlığının
sərhəddi olubmu?
Sevinciylə bərabər
dərdi olubmu?
Bir məclisdə “sağlığıma” içdi
bir nəhs oğlu nəhs:
- Yüz əlli il ömr eləyib filankəs...

1968
XS
SM
MD
LG