Liviya üsyançıları əl Zaviyə şəhərini ələ keçirib

Liviya üsyançıları paytaxt Tripolinin 50 kilometrliyində yerləşən əl Zaviyə şəhərini ələ keçirdiklərini deyirlər.

Müxalifətçilərin sözlərinə görə, hələlik snayperlər də daxil olmaqla şəhərdə bəzi hökumət qüvvələri qalıb.

Reuters agentliyinin müxbiri şəhərdə intensiv döyüşlər getmədiyini və ara-sıra atışma səsləri eşidildiyini xəbər verir.

Üsyançılar indiyədək Paytaxt Tripoliyə bu qədər yaxınlaşmayıb.