Bakıda yaşayış evində partlayış olub, ölən var

Bu barədə «APA»ya Sabunçu rayon Polis İdarəsindən bildirilib.

Hadisə avqustun 6-sı gecə qeydə alınıb. Rayon sakini, 46 yaşlı Aqil Şabanova məxsus evdə yanğınla davam edən partlayış baş verib. Partlayış nəticəsində ev dağılıb, ev sahibi ağır vəziyyətdə xəstəxanaya aparılıb. O, xəstəxanada vəfat edib.

İlkin məlumata görə, partlayışa qaz sızması səbəb olub.

Faktla bağlı araşdırma aparılır.