Keçid linkləri

2024, 20 Aprel, şənbə, Bakı vaxtı 18:18

Venesiya film festivalına Sokurov da qatıldı


Dünyanın nüfuzlu kino festivallarından biri – Venesiya festivalına qatılmış filmlərin adları açıqlanıb.

22 film arasında tanınmış rus rejissoru Aleksandr Sokurovun “Faust”u da var.

Film dahi alman şairi Götenin İblislə müqavilə bağlamış kimyagər haqqında eyni adlı poeması əsasında çəkilib.

Filmin büdcəsi 12 milyon avrodur.

(“Faust” rus rejissorun çəkdiyi tetralogiyanın son hissəsidir. Bundan əvvəl eyni silsilədən "Молох", "Телец" və "Солнце" filmləri də çəkilib).

12 milyon avronun böyük hissəsi dekorasiyalara xərclənib: Praqa yaxınlığında film üçün xüsusi şəhərcik tikilib.(ÇƏKİLİŞ MEYDANÇASINDAN KADRLARA BAX)

Faust rolunu alman teatr aktyoru İohanes Tsayler ifa edib. Mefistofeli isə DEREVO teatrının qurucusu Anton Adasinski oynayıb.

Filmdə Leonid Mozqovoy də çəkilib.

Festivala təqdim edilən filmlər arasında Roman Polanskinin “Qırğın”, Corc Kluninin

“The Ides Of March” (ABŞ), Tomas Alfredsonun “Tinker, Tailor, Soldier, Spy” (Böyük Britaniya), Kristina Komencini-nin “Quando La Notte”, (Italiya), Sion Sononun “Himizu” (Yaponiya) filmləri də var.

Venesiya film festivalı avqustun 31-dən sentyabrın 10-dək davam edəcək.

Festivalın münsiflər heyətinə amerikalı rejissor Darren Aronofsky rəhbərlik edəcək.

Sentyabrın 10-da ən yaxşı film üçün “Qızıl şir”, ən yaxşı rejissor işi üçün “Gümüş şir” mükafatları təqdim ediləcək.

Ən yaxşı qadın rolu, ən yaxşı kişi rolu üçün mükafatlar, elə də başqa prizlər də olacaq....

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG