Azərbaycan və ABŞ arasında hərbi təlimin vaxtı müəyyənləşib

İyulun 31-də Rumıniyada ABŞ və Azərbaycan hərbiçilərinin birgə təlimi keçiriləcək.

Bunu Müdafiə Nazirliyinin Beynəlxalq Əlaqələr və Avroatlantika Əməkdaşlıq İdarəsinin rəisi Ramiz Nəcəfov deyib.

Təlimlərdə sülhməramlı əməliyyatların təşkili, planlaşdırılması və həyata keçirilməsi üzrə təcrübə mübadiləsi aparılacaq:

«Bu, təxirə salınmış təlimlərin əvəzinə keçirilir. Təlimlər iki həftə davam edəcək. Hər iki tərəfdən 100 hərbiçi iştirak edəcək.

Bu ilin sentyabrından başlayaraq 2012-ci ilin sonuna qədər Azərbaycan və ABŞ hərbçiləri arasında 50-dən artıq ikitərəfli tədbirlər - seminarlar, təlimlər keçiriləcək. /Trend/