Bakı Ağır Cinayətlər Məhkəməsində “Meşə qardaşları” adlandırılan dəstənin fəallarından olduğu iddia edilən Samir Mehdiyevin cinayət işi üzrə məhkəmə prosesi yekunlaşıb.
APA-nın xəbərinə görə, hakim Əfqan Hacıyevin sədrliyi ilə keçirilən prosesdə hökm elan olunub. Məhkəmənin hökmü ilə Samir Mehdiyev cəzasının 2 ilini qapalı rejimdə çəkmək şərti ilə 15 il müddətinə azadlıqdan məhrum edilib.
Dövlət ittihamçısı məhkəmədən Samir Mehdiyevin cəzasının 3 ilini qapalı rejimdə çəkməklə 15 il azadlıqdan məhrum edilməsini istəmişdi.
Samir Mehdiyevin üzvü olduğu dəstə 2008-ci il avqust ayının 17-də Bakı şəhəri, Nərimanov rayonunda yerləşən “Əbu-Bəkr” adı ilə tanınan “Cümə” məscidində partlayış törətməkdə ittiham olunur. Belə ki, məscidə atılmış əl qumbarasının partlaması nəticəsində iki nəfər hadisə yerində ölüb, 18 nəfərin sağlamlığına müxtəlif dərəcəli zərər yetirilib.
MTN-in istintaq-əməliyyat tədbirləri nəticəsində dəstə üzvü iddia edilən 26 nəfər həbs olunsa da, həmin vaxt Samir Mehdiyevin gizli yollarla Pakistana qaçdığı bildirilirdi. 2010-cu ilin yanvar ayında MTN-in əməliyyat məlumatı əsasında Samir Mehdiyev Pakistan ərazisində saxlanılıb. 2010-cu il martın 16-da o, Azərbaycana gətirilib.
“Meşə qardaşları” adlandırılan dəstənin üzvləri ittihamlar üzrə özlərini təqsirli bilməyiblər.
APA-nın xəbərinə görə, hakim Əfqan Hacıyevin sədrliyi ilə keçirilən prosesdə hökm elan olunub. Məhkəmənin hökmü ilə Samir Mehdiyev cəzasının 2 ilini qapalı rejimdə çəkmək şərti ilə 15 il müddətinə azadlıqdan məhrum edilib.
Dövlət ittihamçısı məhkəmədən Samir Mehdiyevin cəzasının 3 ilini qapalı rejimdə çəkməklə 15 il azadlıqdan məhrum edilməsini istəmişdi.
Samir Mehdiyevin üzvü olduğu dəstə 2008-ci il avqust ayının 17-də Bakı şəhəri, Nərimanov rayonunda yerləşən “Əbu-Bəkr” adı ilə tanınan “Cümə” məscidində partlayış törətməkdə ittiham olunur. Belə ki, məscidə atılmış əl qumbarasının partlaması nəticəsində iki nəfər hadisə yerində ölüb, 18 nəfərin sağlamlığına müxtəlif dərəcəli zərər yetirilib.
MTN-in istintaq-əməliyyat tədbirləri nəticəsində dəstə üzvü iddia edilən 26 nəfər həbs olunsa da, həmin vaxt Samir Mehdiyevin gizli yollarla Pakistana qaçdığı bildirilirdi. 2010-cu ilin yanvar ayında MTN-in əməliyyat məlumatı əsasında Samir Mehdiyev Pakistan ərazisində saxlanılıb. 2010-cu il martın 16-da o, Azərbaycana gətirilib.
“Meşə qardaşları” adlandırılan dəstənin üzvləri ittihamlar üzrə özlərini təqsirli bilməyiblər.