Mumbayda ifadə verən şahid keçinib

Hindistanın Mumbay şəhərində törədilmiş partlayışlarla bağlı ifadə verən şahidlərdən biri keçinib.

İfadə verdikdən dərhal sonra Faiz Usmaninin beyninə qan sızıb və xəstəxanada keçinib.

Oğlunun dediyinə görə atası ifadə verərkən təzyiqlərə məruz qalıb və ola bilsin ki, onunla amansız davranılıb.

Amma polis ittihamı rədd edir.

İyulun 13-də Mumbayda törədilmiş terror akatları nəticəsində 19 nəfər ölüb, 130-dan çox adamsa yaralanıb.