Keçid linkləri

2024, 28 Mart, Cümə axşamı, Bakı vaxtı 23:24

Roma-Katolik Kilsəsi dövlət qeydiyyatına alınıb


Vatikan
Vatikan

Müqəddəs Taxt-tac ilk dəfə Azərbaycanla belə saziş imzalayıb


İyulun 7-də “Roma-Katolik Kilsəsinin Apostol Prefekturası” dini qurumuna dövlət qeydiyyatına alınması barədə Şəhadətnamə təqdim edilib. Bu haqda Dini Qurumlarla İş üzrə Dövlət Komitəsindən AzadlıqRadiosuna məlumat verilib.

Təqdimat zamanı Müqəddəs Taxt-tacın Azərbaycandakı apostolik nunsisi Kladio Qucerotti bildirib ki, Müqəddəs Taxt-tacın Azərbaycanla imzaladığı saziş bu qəbildən olan ilk sənəddir. Çünki Vatikan indiyədək heç bir dövlətlə belə bir saziş imzalamayıb:

“Azərbaycan necə tolerant ölkə olduğunu bir daha təsdiqlədi. Artıq bütün dünya bunun şahididir. Əminəm ki, beynəlxalq aləmdə müsbət əks-səda doğuran bu sənəd böyük tarixi hadisə kimi yaddaşlarda qalacaq”.

Dini Qurumlarla İş üzrə Dövlət Komitəsinin sədri Hidayət Orucov isə ölkədə bütün dinlərin mənsublarına, o cümlədən katoliklərə öz inanclarına uyğun yaşamaları üçün hər cür şərait yaradıldığını bildirib.

Komitə sədri deyib ki, başqaları üçün örnək olan sazişin Azərbaycanla Vatikan arasında imzalanmasına təbii yanaşmaq lazımdır:

“Lakin çalışmalıyıq ki, münasibətlər daha da inkişaf etsin. Azərbaycan tolerantlıq prinsiplərinə sonadək sadiqdir”.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG