Rusiya prezidenti Dmitri Medvedev Nalçik əyalətində müsəlman nümayəndələri ilə görüşüb. “Deyerler.org”un xəbərinə görə, görüş zamanı prezident Səudiyyə Ərəbistanına müraciət edəcəyini və Rusiya müsəlmanları üçün Həcc kvotasının qaldırılacağını vəd edib.
Müsəlman nümayəndələri bildiriblər ki, Rusiya vətəndaşlarına Həcc ziyarəti üçün Səudiyyə Ərəbistanı yalnız 20 min yer ayırıb. Onlar prezidentdən Səudiyyə hakimiyyəti ilə danışıqlar aparmağı və Rusiya müsəlmanlarına qarşı məhdudiyyətləri aradan qaldırımağı istəyib.
“Bizim həmin ölkə ilə çox yaxşı münasibətlərimiz var. Nazir bu yaxınlarda bizim ölkəmizdə olub. Hesab edirəm ki, bu problemi həll edə bilərəm”, - deyə Medvedev vurğulayır.
