Keçid linkləri

2024, 15 İyun, şənbə, Bakı vaxtı 14:28

Vaqif Səmədoğlu. O əyri yol, tək vələs...


O əyri yol, tək vələs,
Yalçın qaya, uzaq səs,
Birdən qaralan nəfəs,
Ömrümdə olmalıymış,
Yadımda qalmalıymış.

Acı sözlər, xoş yalan,
Bir yetim, əyri yalan,
Ölüm tək gözəl ilan
Ömrümdə olmalıymış.
Yadımda qalmalıymış.

Saat üstə şirmayı,
Qartalın yetim payı.
Heyva ayı, nar ayı
Ömrümdə olmalıymış.
Yadımda qalmalıymış.

Dənizin ada günü,
Dağların səda günü,
Hər günün vida günü,
Ömrümdə olmalıymış.
Yadımda qalmalıymış.

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG