Bəhreynli şairə Ayat əl-Qurmezini 1 illik həbs cəzasına məhkum ediblər.
“Guardian” qəzetinin verdiyi məlumata görə, səbəb onun yazda Bəhreyndə keçirilmiş mitinqlər zamanı kral hakimiyyətini tənqid edən şeir söyləməsidir.
Mitinqlərin dağıdılmasından sonra – martda saxlanan şairə məhkəmənin qərarını gözləyirdi. Rəsmi ittihamda o, dövlətçilik əleyhinə hərəkətlərdə, o cümlədən ədavət qızışdırmaqda suçlanır.
Yaxınları onun saxlanandan sonra işgəncəyə məruz qaldığını, döyüldüyünü, üzünə elektrik naqilləri ilə vurulduğunu iddia edirlər.
“Biz o kəslərik ki, təhqirləri öldürəcək,
məşəqqətləri qətlə yetirəcəyik.
Siz onların hönkürtüsünü eşitmirsinizmi?
Siz onların hayqırtısını eşitmirsinizmi?
Sətri tərcümədə verdiyimiz bu misralar əl-Qurmezinin paytaxt Manamanın mərkəzi meydanında səsləndirdiyi şeirdəndir.
Əl-Qurmezi Bəhreyn Universitetinin ikinci kursunda müəllimlik ixtisası üzrə təhsil alırdı. O həmçinin universitetdən xaric edilib.
Şairənin anası deyib ki, qızı günahsızdır: “O öz hisslərini ifadə edib – qanunla ona verilmiş fikir azadlığından istifadə edib”.
Beynəlxalq hüquq müdafiə təşkilatları şairəyə həbs cəzası kəsilməsini pisləyiblər.
“Guardian” qəzetinin verdiyi məlumata görə, səbəb onun yazda Bəhreyndə keçirilmiş mitinqlər zamanı kral hakimiyyətini tənqid edən şeir söyləməsidir.
Mitinqlərin dağıdılmasından sonra – martda saxlanan şairə məhkəmənin qərarını gözləyirdi. Rəsmi ittihamda o, dövlətçilik əleyhinə hərəkətlərdə, o cümlədən ədavət qızışdırmaqda suçlanır.
Yaxınları onun saxlanandan sonra işgəncəyə məruz qaldığını, döyüldüyünü, üzünə elektrik naqilləri ilə vurulduğunu iddia edirlər.
“Biz o kəslərik ki, təhqirləri öldürəcək,
məşəqqətləri qətlə yetirəcəyik.
Siz onların hönkürtüsünü eşitmirsinizmi?
Siz onların hayqırtısını eşitmirsinizmi?
Sətri tərcümədə verdiyimiz bu misralar əl-Qurmezinin paytaxt Manamanın mərkəzi meydanında səsləndirdiyi şeirdəndir.
Əl-Qurmezi Bəhreyn Universitetinin ikinci kursunda müəllimlik ixtisası üzrə təhsil alırdı. O həmçinin universitetdən xaric edilib.
Şairənin anası deyib ki, qızı günahsızdır: “O öz hisslərini ifadə edib – qanunla ona verilmiş fikir azadlığından istifadə edib”.
Beynəlxalq hüquq müdafiə təşkilatları şairəyə həbs cəzası kəsilməsini pisləyiblər.
