Keçid linkləri

2017, 25 Noyabr, şənbə, Bakı vaxtı 13:37

Konyada yalnız başıbağlı xanımların girə biləcəyi mərkəz yaradılır

Türkiyənin Konya şəhərindəki Beyşehir Gölünün sahilində hicablı qadınlar üçün çimərlik yaradılır.

Türkiyənin tanınmış moda ustası Davut Şeker 250 min lirəlik (təxminən 110 min avro) sərmayə qoyaraq bu gölün 3 kilometrlik sahil hissəsində istirahət mərkəzi yaradıb. İndi isə modelyer hicablılar üçün ilk belə mərkəz yaratmaq üçün işə başlayıb.

Moda ustası deyib ki, həmin gölün sahilində təxminən 200 metrlik bir sahədə məhz hicablı xanımların özlərini rahat hiss edə bilməsi üçün xüsusi ərazi yaradılacaq. Davut Şekerin sözlərinə görə, hazırda yalnız 5 ulduzlu otellərin hovuzlarında hicablı xanımlar üçün çimməyə şərait yaradılır:

“Lakin bu, ya həftənin hansısa günü, ya da xüsusi saatlar olur. Biz isə yalnız bu xanımlara xidmət göstərəcək istirahət mərkəzi, çimərlik yaradırıq”.

Çimərlikdə təxminən 15-20 min nəfər istirahət edə biləcək. Mərkəzin yaxın günlərdə istifadəyə veriləcəyi gözlənilir.

Sənin fikrin

Şərhləri göstər

Günün bütün mövzuları

XS
SM
MD
LG