Bu gün Yunanıstanda polislə hökumətin iqtisadi islahatlar planına qarşı çıxan nümayişçilər arasında baş vermiş toqquşmada azı 7 adam yaralanıb.
Ümummilli tətil günü ölkə paytaxtı Afinada keçirilən nümayişdə 40 minədək adam iştirak edib.
Yunanıstan parlamenti hökumətin təklif etdiyi kəskin iqtisadi tədbirlər paketinin müzakirəsinə başlayıb.
Avropa Birliyi ilə Beynəlxalq Valyuta Fondu iqtisadi böhranla üzləşmiş Yunanıstana maliyyə yardımını davam etdirmək üçün planın qəbulunu tələb edirlər.
