Pakistanda jurnalistlərin silah gəzdirməsinə icazə verilib

Pakistanda İtaliya agentliyinə işləyən reportyorun öldürülməsindən sonra jurnalistlərin silah gəzdirməsinə icazə verilib.

Bunu çərşənbə günü ölkənin daxili işlər naziri Rahman Malik bəyan edib.

Nazirin sözlərinə görə, silah jurnalistlərə özünümüdafiə məqsədilə veriləcək.

40 yaşlı reportyor Saleem Shahzadın cəsədi çərşənbə axşamı İslamabadın 150 kilometrliyindən tapılıb.

O Pakistan hərbçilərinin əl Qaidə ilə əlbir olub-olmamasını araşdırırmış.