İslamabadda ABŞ və Pakistan rəsmilərinin görüşü olub

Birləşmiş Ştatların xüsusi elçisi Mark Qrossman (Marc Grossman) bu gün Pakistanın siyasi və hərbi liderlərilə görüşüb.

Görüşdə ikitərəfli münasibətlərin inkişafı, habelə senator Con Kerrinin (Cohn Kerry) ötən həftə regiona səfəri zamanı toxunduğu məsələlər müzakirə olunub.

Con Kerri (Cohn Kerry) İslamabada səfəri ərəfəsində ABŞ-Pakistan münasibətlərinin kritik vəziyyətdə olduğunu demişdi.

Bəzi ABŞ rəsmiləri hesab edir ki, Pakistan terrorçuluqla lazımınca mübarizə aparmır.