Keçid linkləri

2017, 26 İyul, çərşənbə, Bakı vaxtı 01:00

Çexiya prezidentinə zarafat olaraq yüzlərlə qələm göndərilib (VİDEO)


«Facebook»da «Prezidentə qələm toplayaq» adı altında yaradılan qrup Çexiya prezidenti Vatslav Klausa (Vaclav Klaus) bir neçə yüz yeni qələm göndərdiyini açıqlayıb.

Müraciəti 13 500 adam imzalayıb. Bununla belə, təşkilatçılar müraciət imzalayanların hamısının prezidentə qələm göndərdiyini düşünmür.

V. Klausun sözçüsü Radim Oxvat (Radim Ochvat) prezident iqamətgahına bir neçə qələmin gətirildiyini təsdiqləsə də, dəqiq sayını bilmədiyini deyib.

Qələmlərin sayını heç təşkilatçıların özləri də bilmir.

Müraciət müəlliflərindən Radek Rehaçek (Radek Rehacek) deyir ki, onlar bir neçə yüz qələmin göndərildiyini öyrəniblər: «bu, uğurdur».

Çexiya prezidenti V. Klaus Çilidə olarkən sənədlərin imzalanması üçün nəzərdə tutulan qələmi götürərək əvvəlcə masanın altında tutmuş, sonra isə ehmalca cibinə qoymuşdu. Bu haqda «YouTube»da yerləşdirilən videoya milyonlarla insan baxıb.

Sənin fikrin

Şərhləri göstər

Günün bütün mövzuları

XS
SM
MD
LG