«Piyadalar, diqqətli olun» adı altında keçirilən hərəkətin təhlükəsizliyi həftəsi başa çatıb.
Baş Dövlət Yol Polisi İdarəsinin məlumatında bildirilir ki, mayın 1-dən 7-ə qədər respublika ərazisində keçirilən həftəlik ərzində piyadaların vurulması ilə nəticələnən 25 yol-nəqliyyat hadisəsi baş verib. Nəticədə 6 nəfər ölüb, 21 nəfər yaralanıb.
Qeydə alınan qəzalardan 12-si paytaxtda baş verib. Nəticədə 1 piyada ölüb, 13 nəfər yaralanıb.
Tədbir ərzində yol hərəkəti qaydalarını pozduğuna görə 985 piyada inzibati məsuliyyətə cəlb edilib.