Liviyadakı Azərbaycan səfirliyi fəaliyyətini davam etdirir

İmkan düşən kimi Azərbaycanın Liviyadakı səfirliyinin əməkdaşları bu ölkəni tərk edə bilərlər.

Bu barədə «Trend»ə Azərbaycanın Liviyadakı səfiri Ağasəlim Şükürov bildirib. Hazırda diplomatik nümayəndəlikdə səfirlə birlikdə 4 nəfər çalışır.

Liviyada 117 ölkənin səfirliyi olub. Səfirliklərin çoxu fəaliyyətlərini dayandırıb. Türkiyə, Ukrayna, Belarus, Rusiya, İordaniya, Mərakeş, Serbiya və başqa bir neçə səfirlik hələ də fəaliyyətlərini davam etdirir. Başqa səfirliklər də müvəqqəti işlər vəkili səviyyəsində qalıb.

Səfir A. Şükürov bildirib ki, Liviyada olan bütün Azərbaycan vətəndaşları ölkədən təxliyə olunub. Orada qalan azərbaycanlılarsa yalnız Liviya vətəndaşları ilə ailə qurmuş qadınlardır.