Keçid linkləri

2024, 19 Aprel, Cümə, Bakı vaxtı 06:28

Çingiz Əlioğlu. Kabrioletdəki kübar


ax, kübar adam, ax,
sən ki, bir arxsan,
ax axa bildikcə,
axır baş bir gün,
bir axmaq axmazda
bənd alacaqsan.
kiçicik zərrəyə, damlaya dönüb
o uzaq göylərə hey baxacaqsan.

bu kübar o kübar
qanda kükrəyib
hələ ki, nə qədər qabartmır damar,
ax, ax kübar adam
kabrioletdə,
fitillə bir ömrün dolaylarında.

kabrioletdə
kibrli kübar kimsənə,
kibritim tükənib,
təkəbbüründən
bir an keçsənə! –
o külçə qızıldan
alışqanını,
nə olar, bir anlıq
mənə versənə.

vərdənə dünyanın
coju cocuyar,
fırlanıb bir yana fırladar səni,
mən fərsiz olmasam,
fərqinə var bir,
boynundan kim açar
çarxa dolanıb
canını çarmıxa çəkən o şərfi…

Avqust, 2008.

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG