Keçid linkləri

2024, 29 Mart, Cümə, Bakı vaxtı 09:25

Qaddafinin qüvvələri Liviyanın Tunislə sərhədinə nəzarəti ələ alıblar


BMT-nin Qaçqınların İşləri üzrə Ali Komissarlığı xəbər verir ki, Liviyanın Tunislə sərhədinə nəzarəti Muammar Qaddafinin qüvvələri ələ alıblar. Son günlər bu əraziyə Liviyadan Tunisə keçmək istəyən minlərlə qaçqın cəmləşib. Komissarlıqdan bildiriblər ki, ağır silahlarsilahlı ordu hissələri Tunisə getmək istəyənlərin qarşısını kəsməyə çalışır.

BMT-nin nümayəndəsi deyir ki, dünənə qədər Liviyadan Tunisə gündə 10-15 min adam keçirdi. Amma dünən sərhədi keçənlərin sayı cəmi 2 000 nəfər olub.
Tunisin regional Qırmızı Xaç Komitəsindən verilən məlumata görə fevralın 20-dən bu yana Liviyadan qonşu ölkəyə 100 min nəfər keçə bilib.

Qaddafinin qüvvələri paytaxt Tripolidə bugünə nəzərdə tutulan mitinq ərəfəsində şəhərin giriş-çıxışına postlar qoyub.

Martın 4-də Qaddafi qüvvələri silahlı müxalifət qruplarının nəzarətində olan Ajdabiyah və Brega şəhərlərini bombardman ediblər.

Fevralın ortalarından başqlayaraq Muammar Qaddafinin 42 illik hakimiyyətinə son qoyulması tələbilə keçirilən etiraz askiyalarına hökumət qüvvələrinin silahlı müdaxiləsi ölkədə geniş zorakılıqlara səbəb olub. Qaddafi paytaxtdan başqa, ölkənin əksər şəhərlərinə nəzarəti itirib.
XS
SM
MD
LG