Keçid linkləri

2024, 29 Mart, Cümə, Bakı vaxtı 12:00

Ruslan Mollayev. Qocanın sirri
















...İçdiyin şərabın dibində saxla,
Buxarı yumaqcün səp güzgülürə.
Harda məni görsən öp damcıları,
Ruhumun dadını ver cizgilərə…


Biləydim

Allahım nə qədər naz verib sənə?!
Bir dəfə belini tuta biləydim.
Sevmək istəyəndə dəlilər kimi,
İstəyəndə yarı, unuda biləydim.

Gözlərin, gözümə söz oxuyanda,
Ayaqlarım üstə dura biləydim.
Çəkilib kənara, sakit gizlicə
Şairlər kimi xəyal
qura biləydim...


Sağdan sola

Şahinəm səmanın açıq üzündə,
Əlinə qonsamda tuta bilmədin.
İllərdi göylərdə gözlədim səni
Yol tapa bilmədin, uça bilmədin.

Səfildi dünyanın sağ adamları
Şərin qucağında otur gülümsə.
Nimdaş ürəyimə, tozlu gözümə
Qarşında dayanım otur, gülümsə...

Vicdanmı, çarmıxa çəkdilər mənim.
Dərisinə duz səpib, günə verdilər.
Hiylədən məst olan məşuqələrin
Yataq yerlərinin altda sərdilər.

Gözüm danışmağı, könlüm yazmağı
Öyrəndi həyatın var olduğundan.
Duya bilməyənlər laldı dedilər
Qorxuram dünyanın kar olduğundan.


Qadın

Adam öz yaşından böyük danışmaz!
Danışa danışsa yazar, danışar.
Düşünmədən fikiri dilə gətirsə
Özü öz sözündə azar danışar.

Qədəri, qisməti bilib gizlətmə
Oxuyur, zamanı donduran qadın.
Kimlərə baxıram səni görürəm
Sevmədən sevgini uyduran qadın.


Qocanın sirri

Mənə bu dünyanın gözünü göstər
O gözlə oxuyum hörümçək torun.
Kimlərə qalacaq bu yazılanlar?

Ona bu dünyanın üzünü göstər
Göstər var gücü ilə qışqırsın ona
Səsindən qırılsın dar ağacları.

Mənə bu dünyanın dizini göstər
Dizini göstər ki, kəsim sürünsün.
Şəlalədən tutsun zirvəyə doğru

Ona bu dünyanın izini göstər,
Oturub qan iznə ağlasın bir az.
Üzünü çevirib getsin susaraq.

Mənə bu dünyanın sözünü göstər,
Orda titrəməsin səsin telləri.
Qəhər doğramasın ifadələri.

Ona bu dünyanın yüzünü göstər
Yüzünün içindən birini seçsin.
Baxsın o göz ilə yaşayıb keçsin

Səndə dinlə bizi
Sizə oxuyan!
Onlara qalacaq bu yazdıqlarım...

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG