Dünyadakı maliyyə böhranının Azərbaycana təsirindən ehtiyat edirsinizmi?

ABŞ-da başlayan maliyyə böhranı zəncirvarı xarakter alaraq dünyanın əksər ölkələrinə sirayət edib.

İqtisadçı Qubad İbadoğlu deyir ki, Azərbaycanda bankların çoxu özləri xaricdən kredit alırlar, bu pulla kredit verirlər. İndi xaricdəki banklar böhran keçirir deyə, Azərbaycan bankları da kredit verə bilmirlər.

İqtisadi İnkişaf naziri Heydər Babayev isə deyir ki, beynəlxalq iqtisadi böhranın Azərbaycana təsiri olmayacaq: «Ölkənin neft və qaz ehtiyatları və maliyyə imkanları böhranın ölkəyə keçməsinin qarşısını alacaq».

Bəs siz böhranın Azərbaycana təsirindən ehtiyat edirsinizmi?