Keçid linkləri

Təcili xəbərlər
2021, 19 İyun, şənbə, Bakı vaxtı 06:57

Cabbar Savalan ekspertizadan keçəcək


Cabbar Savalan
Qanunsuz narkotik maddə saxlama ittihamı ilə həbs edilən AXCP fəalı Cabbar Savalan haqqında Sumqayıt şəhər Məhkəməsi 2 aylıq həbs-qətimkan tədbiri seçib.

Vəkil Anar Qasımov AzadlıqRadiosuna bildirib ki, fevralın 8-də məhkəmənin qərarından apelyasiya şikayəti verəcəklər.

Fevralın 7-si axşam saatlarında isə müstəntiq ekspertiza təyin olunması haqqında qərarı elan edib:

«Bəlli oldu ki, məhkəmə-narkoloji və məhkəmə-kimyəvi ekspertizaları keçirilir. Narkoloji ekspertizanın məqsədi onun narkoman olub-olmamasını, kimyəvi ekspertizanın məqsədi isə üzərindən çıxan maddənin narkotik olub-olmamasını, narkotikdirsə hansı növə aid olmasını müəyyən etməkdir».

Vəkil alternativ ekspertizaların keçirilməsi ilə bağlı vəsatət verib.

Cabbar Savalan fevralın 5-də Sumqayıtda saxlanılıb. Ona narkotik maddə saxlamaq ittihamı ilə Cinayət Məcəlləsinin 234.1-ci maddəsi ilə cinayət işi açılıb. Bu maddəyə görə 3 ilə qədər azadlıqdan məhrumetmə cəzası nəzərdə tutulur.

Müdafiə tərəfi ittihamı saxta sayır, onun həbsini siyasi fəallığı ilə bağlayırlar.

Hazırda Cabbar Savalan Sumqayıt şəhər polis şöbəsinin təcridxanasında saxlanılır.

Şərhlər (9)

Bu forum dayandırılıb
XS
SM
MD
LG