Keçid linkləri

2024, 19 Mart, çərşənbə axşamı, Bakı vaxtı 06:51

Strässer Azərbaycana dəvətnamə ala bilmir


Christoph Strasser
Christoph Strasser

Avropa Şurası Parlament Assambleyasının Azərbaycanda siyasi məhbuslar üzrə məruzəçisi Christoph Strässerin ofisindən yanvarın 19-da AzadlıqRadiosuna məlumat gəlib ki, bir gün əvvəl radioya verdiyi müsahibədə anlaşılmazlıq olub.


Strässer deyir ki, əslində viza üçün rəsmi müraciət etməyib, çünki bunun üçün lazım olan rəsmi dəvətnaməni almayıb.

“Əsas məsələ budur ki, mən rəsmi dəvətnamə almamışam. Mən dəvətnamə almağa çalışıram ki, ölkəyə səfər edib hesabatımı hazırlayım. Dəvətnamə viza üçün müraciət etməyə əsas şərtdir”.

Strässer deyir ki, Azərbaycana səfər məqsədilə viza üçün bu dəfə rəsmi müraciət edəcək. Əgər ona rəsmi imtina olunsa, hesabatı Azərbaycana səfər etmədən hazırlayacaq.

Azərbaycan Xarici İşlər Nazirliyinin rəsmisi Elxan Poluxov isə APA informasiya agentliyinə bildirib ki, Azərbaycanın Almaniyadakı səfiri Pərviz Şahbazov bir müddət əvvəl Christoph Strässerlə görüşündə təşəbbüs qaldırıb ki, siyasi məhbus məsələsini araşdırmaq üçün Azərbaycana səfər etmək lazımdır. Rəsminin sözlərinə görə, almaniyalı deputat da bu fikirlə razılaşıb.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG