ABŞ-ın vitse-prezidenti İraq liderləri ilə görüşüb

Birləşmiş Ştatlar İraqın uğur qazanmasında maraqlıdır və əsas məqsədi ölkədə sabit və demokratik dövlət yaradılmasına kömək etməkdir.

Bunu Bağdada səfəri zamanı Birləşmiş Ştatların vitse-prezidenti Co Bayden deyib.

O, səfər zamanı prezident Cəlal Talabani və baş nazir Niri əl Maliki ilə görüşüb.

Hələlik danışıqların məğzi barədə ətraflı məlumat yoxdur.
İraq rəsmiləri bildiriblər ki, danışıqların mövzularından biri ABŞ ordusunun ölkədən çıxarılmasının uzadılması ola bilər.