Keçid linkləri

Təcili xəbərlər
2021, 14 İyun, Bazar ertəsi, Bakı vaxtı 23:17

Yanacaqdoldurma məntəqəsinə silahlı basqın olub


Ağstafa rayonunda yanacaqdoldurma məntəqəsinə silahlı basqın olub. Məntəqədə operator işləyən şəxs qətilə yetirilib.

Ağstafa rayon Prokurorluğundan verilən məlumata görə, hadisə yanvarın 10-da gecə saat 2 radələrində rayonun Qırılı kəndində baş verib. Rayon sakini Mayıl Əsədova məxsus yanacaqdoldurma məntəqəsinə avtomat silahla silahlanmış bir qrup şəxs basqın edib. Orada operator işləyən Ağstafa rayon sakini 1977-ci il təvəllüdlü Məmməd Məmmədovun başından güllələyiblər. O, aldığı xəsarətdən hadisə yerində keçinib.

Cinayəti törədənlər isə hadisə yerindən qaçıblar. Onlar yanacaqdoldurma məntəqəsindən pul götürməyiblər.

Faktla bağlı cinayət işi açılıb, əməliyyat-axtarış tədbirləri aparırlar
XS
SM
MD
LG