Keçid linkləri

2024, 11 May, şənbə, Bakı vaxtı 03:34

Nuşirəvan Məhərrəmli əlavə səlahiyyətlər istəyir


Nuşirəvan Məhərrəmli
Nuşirəvan Məhərrəmli
Azərbaycan Milli Televiziya və Radio Şurası (MTRŞ) özəl kanalları milli mənəvi dəyərlərə zidd verilişlər yayımlamamağa çağırıb.

“Şuranın özəl kanalların yaradıcılıq işlərinə müdaxilə etmək səlahiyyəti yoxdur, lakin hər bir televiziya kanalı cəmiyyətin maarifləndirilməsi mövzusunda verilişlər təqdim etməlidir”.

Bunu “Trend”ə 2010-cu ilin yekunlarına dair müsahibəsində MTRŞ sədri Nuşirəvan Məhərrəmli deyib.

O bildirib ki, Şura mütəmadi olaraq televiziya kanallarına bu xarakterli tövsiyələr verir.

Azərbaycanın ATV telekanalında son vaxtlar bir sıra şou xarakterli verilişlər – “Onun yarısı”, “Sən tək deyilsən”, “ATV Maqazin”, “Ulduz oldun” verilişlərinin yayımı dayandırılıb.

Məhərrəmli deyib ki, Şura özəl kanallarda bəzi verilişlərin tamamilə və yaxud qismən dayandırılması ilə bağlı əlavə səlahiyyətlərin verilməsi barədə müvafiq qurumlara müraciət ünvanlamaq niyyətindədir. Səlahiyyətlər qanunverici bazaya edilən dəyişikliklər əsasında həyata keçirilə bilər.

“2010-cu ildə həm də özəl televiziya kanallarında Azərbaycanın milli mənəvi dəyərləri ilə bağlı verilişlər narahatlıq doğuran formada inkişaf edib, şou xarakterli verilişlərin sayı artıb və MTRŞ də bundan narahatdır. Azərbaycanın tarixinə, ədəbiyyatına aid maarifləndirici verilişlərin bu cür kanallarda az olması bu gün narahatedici faktorlardandır”, - Məhərrəmli bildirib.

Azərbaycanda 8 ümumrespublika, 14 regional, 13 kabel televiziya kanalı var.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG