Ermənistan silahlı bölmələrinin açdığı atəş nəticəsində Azərbaycan Ordusunun əsgəri yaralanıb.
Müdafiə Nazirliyinin mətbuat xidmətinin yaydığı məlumata görə, yanvarın 6-da saat 08.15 radələrində Ermənistan silahlı bölmələrinin Ağdam rayonunun Mərzili kəndi ərazisindən mövqelərimizə açdığı atəş nəticəsində əsgər Hüseynov Ülvi İftixar oğlu döş nahiyəsindən və sağ qolundan yaralanıb.
Əsgərin vəziyyəti ağırdır.
1991-ci il təvəllüdlü Hüseynov Ülvi ötən ilin yanvarında Qaradağ Rayon Hərbi Komissarlığı tərəfindən hərbi xidmətə çağırılıb.