Keçid linkləri

2024, 29 Mart, Cümə, Bakı vaxtı 10:02

Sarkisyan hökuməti yeniləyir


Ermənistan prezidenti Serj Sarkisyan
Ermənistan prezidenti Serj Sarkisyan
Dekabrın 16-ı axşam saatlarında Ermənistan prezidenti Serj Sarkisyanın İqtisadiyyat naziri Nerses Yeritsiyanı işdən çıxarması barədə məlumat yayıldı. Ermənistan mediasının xəbərinə görə onun yerinə Maliyyə naziri Tiqran Davityan təyin edilib. Davitynaı isə Mərkəzi Bankın vitse-prezidenti Vaçe Qabrielyanın əvəz edəcəyi gözlənir.

Ermənistan prezidentinin sözçüsü Armen Arzumanyan dekabrın 16-da AzadliqRadiosunun erməni xidmətinə deyib ki, Serj Sarkisyanın yaxın günlərdə hökumətdə kadr dəyişiklikləri edəcəyi barədə yerli mediada yayılan xəbərlər düzdür. Amma o, gözlənən dəyişikliklər haqqında ətraflı nəlumat verməkdən imtina edib.

Ermənistanda isə qəzetlər özlərinin “etibarlı” mənbələrinə istinadla xəbər verirlər ki, ən azı Kənd Təsərrüfatı, Ekologiya nazirləri də tezliklə vəzifələrini itiriəcəklər.

Hakim Respublikaçılar Partiyası dekabrın 16-ı axşam saatlarında Yerevan meri vəzifəsinə öz namizədinin kimliyini elan etməlidir. Medianın məlumatına görə hakim partiya mer vəzifəsinə Ermənistanın qazpaylama şəbəkəsinin rəhbərini gətirmək istəyir.

Yerevanın keçmiş meri Qaqik Beqlaryan prezident administrasiyasının rəsmisini döyəndən sonra dekabrın 8-də istefa verib. Beqlaryanın da ardınca, Ədliyyə naziri Gevorq Danelyan əmrə tabe olmama ittihamı ilə istefaya göndərilib.

Hələlik Sarkisyanın hökumətə bu cür “süpürgə çəkməyinin” dəqiq səbəbləri məlum deyil.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG