Cenevrədə Türkiyə-İsrail danışıqları baş tutub

Bazar günü Cenevrədə Türkiyə-İsrail danışıqları baş tutub. Danışıqların məqsədi may ayında Qəzza sahillərində Türkiyənin yardım gəmisinə İsrail hərbçilərinin hücumundan sonra gərginləşmiş ikitərəfli münasibətləri normallaşdırmaqdır.

Türkiyə XİN-in adı açıqlanmayan nümayəndəsi “Frans-Press” agentliyinə faktı təsdiqləsə də, təfərrüatlar barədə heç nə bildirməyib.

Görüşdə Türkiyə tərəfindən XİN-in müavini Firidun Sinirlioğlu iştirak edib.