Keçid linkləri

2024, 29 Mart, Cümə, Bakı vaxtı 09:55

Yusif Şükürlü "Bənövşə"
















AY BƏNÖVŞƏ!

Müjdələdin sən baharı,
...Əriyir quzeyin qarı!
Di, boynunu bükmə, barı,
Göstər üzü, ay bənövşə!

Ürək-ürək yarpaqların,
Bəzəyidir bulaqların.
Sən olmusan yaylaqların,
Pəri qızı, ay bənövşə!

Qış yenidən bir dəm qurar
Sizi soyuq, şaxta vurar.
Qorxuram ki, bir də qırar,
Qəlbimizi, ay bənövşə!

Nə var açıb, tökməyəydiz
Sazaq dərdi çəkməyəydiz!
Bizim kimi, bükməyəydiz,
Boynunuzu, ay bənövşə!

Bəlkə sizə xəbər çatıb,
Türkün bəxti, yaman, yatıb!
Çəkirsiniz, dərdə qatıb,
Dərdimizi, ay bənövşə!

Didərginik, perik düşdük,
Qarda donduq, gündə bişdik..
Ayaqyalın, çılpaq keçdik,
Dağı, düzü, ay bənövşə!

Yurd dərdliyəm, nigaranam,
Göyçəliyəm, Qafandanam...
Görmək istər, ağlar anam,
Elimizi, ay bənövşə!

Örüş, yaylaq, yalım getdi,
Kilim, gəbə, xalım getdi!..
Ev-eşiyim, malım getdi,
Danla bizi, ay bənövşə!

Toy-nəşəsi sona çatdı,
Sazın səsi yoxdu, batdı!..
Yağı qırdı, sökdü satdı,
Kəndimizi, ay bənövşə!

Erməniyə kirvə dedik,
Bir süfrədə çörək yedik...
Namərdmiş bu, gözləmədik,
Qına bizi, ay bənəvşə!

Dost - dedilər, inandıq biz,
Namərdi arxa sandıq biz...
Gör bir, necə aldandıq biz!..
Anla bizi, ay bənövşə!

Qanı qanla yumadıq, biz!
Baş kəsmədik, çökəndə diz...
Bilmədi o – hayk, əsilsiz,
Qədrimizi, ay bənövşə!

Ermənidə yox qanacaq,
Həqiqəti çox danacaq!..
Öz qanıyla islanacaq,
Sırtıq üzü, ay bənövşə!

Atam şəhid, babam itgin,
Mən hazıram hərbə, bu gün!
Qisas! – deyə, ötkün-ötkün,
Səslə bizi, ay bənövşə!

Arzusudur bu hər kəsin,
Yusif qisasa səsləsin!
- Hərb yolu ilə alaq! - desin,
- Göyçəmizi, ay bənövşə!

Yusif Şükürlü
Şəki

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG