İsveçrədə xaricilərlə bağlı referendum keçirilir

Bazar günü İsveçrədə ağır cinayətlər törədən xaricilərin ölkədən çıxarılmasını nəzərdə tutan qanun layihəsi ilə bağlı referendum keçirilir.

Mühavizəkar Xalq partiyasının təklifində həmçinin fırıldaqla dövlətdən sosial təzminat alan xaricilərin ölkədən çıxarılması nəzərdə tutulur.

Rəy sorğularının nəticələri düzəlişin qəbul ediləcəyini göstərir.

Ötən il həmçinin elə bu partiyanın təşəbbüsü ilə İsveçrədə yeni minarələrin tikintisi qadağan edilib.