Noyabrın 1-dən “quş qripi” ilə bağlı ölkə ərazisində növbəti monitorinq keçirilib. 18 baş çöl quşu, ayrı-ayrı quşçuluq və həyətyanı təsərrüfatlardan gətirilən 1119 baş ev quşunun qan nümunələri, 8 baş ev quşunun patoloji materialı Respublika Baytarlıq Laboratoriyasında müayinələrdən keçirilib.
Kənd Təsərrüfatı Nazirliyi yanında Dövlət Baytarlıq Xidmətinin məlumatına görə, müayinə olunan nümunələrin heç birində “quş qripi” xəstəliyi aşkarlanmayıb.
Quşların miqrasiyası ilə bağlı növbəti monitorinqin dekabrın 13-də keçiriləcək.