Keçid linkləri

2024, 28 Mart, Cümə axşamı, Bakı vaxtı 23:09

Uşaqbazlar üçün "stolüstü kitab" qalmaqal yaratdı


Böyüyən qalmaqal - dünyanın ən böyük on-line kitab ticarəti şəbəkəsi olan Amazon.com-u məcbur edib ki, uşaqbazlar üçün “stolüstü kitab”ı satışdan yığışdırsın.

Filip Qrivz adlı bir şəxs – yazdığı “stolüstü kitab”ın elektron variantını Amazon.com-da oktyabr ayında satışa çıxarmışdı. (Şirkət müəyyən haqq müqabilində müəlliflər üçün belə bir şərait yaradır).

Müəllif öz kitabını belə təqdim edirdi: Cəmiyyət pedofilləri anlamır. Bu kitab onların cəmiyyətə daha az ziyan vurmasına yönələn bir stolüstü kitabdır.

Sosial şəbəkələr – Twitter və Facebook-da valideynlər şirkətdən kitabı satışdan çıxarmağı tələb ediblər.

Əsas ofisi Amerikada yerləşən Amazon.com əvvəlcə BBC-yə açıqlamasında deyib ki, “hər hansı kitabın məzmununun mübahisəli olması səbəbindən senzura tətbiq etmirlər”.

Bundan sonra qalmaqal böyüyub, amerikalı valideynlər bu məsələnin qətiyyən söz azadlığı ilə bağlı olmadığını, əksinə cinayətə təhrik olduğunu bildirərək “Amazon”u ölkə boyu boykot etmək çağırışı ilə kampaniyaya başlayıblar.

Artıq Amazon.com-da “stolüstü kitab”ı sifariş etmək mümkün deyil.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG