İran rəsmiləri deyiblər ki, ölkədə qətllər törədən 4 adamı həbs ediblər. İran ehtimal edir ki, saxlanan şəxslər bunun üçün Britaniyada yerləşən Kürd döyüşçüsündən pul alıblar. İrranın dövlət televiziyası Press TV rəsmilərə istinadən məlumat verib ki, şəxslər İranın qərbindəki Marivan şəhərində həbs olunub. Ehtimal olunur ki, iki il əvvəl törədilmiş 5 qətldə onların əli var.
Rəsmilər deyirlər ki, həbs olunanlar "Komala" kimi tanınan Kürd hərbi qruplaşmasının bir hissəsidir.
Onlar ehtimal edirlər ki, hal-hazırda Böyük Britaniyada yaşayan "Komala"nın rəhbəri saxlanan şəxslərə pul verib. Britaniya hökuməti bu ehtimalları qətiyyətlə rədd edib və onu "əsaslandırılmamış" sayıb.