Rusiya Əfqanıstanda NATO-ya daha çox yardım etməyə söz verib. Amma konkret öhdəlikləri açıqlamayıb.
Moskvada rəsmi səfərdə olan NATO-nun baş katibi Anders Foq Rasmussenlə görüşdən sonra xarici işlər naziri Sergey Lavrov deyib ki, onlar Əfqanstanda əməkdaşlığı genişləndirəcəklər. "Bu, bizim ümumi vacib maraqlarımızdır"- Lavrov bildirib.
Rasmussen həmçinin prezident Dmitri Medvedevlə də görüşüb. Medvedev deyib ki, Rusiya və NATO arasında əlaqələr "daha məhsuldar və intensiv" olub.
Rasmussenin Moskvaya səfəri NATO-nun bu ay Lissabonda keçiriləcək sammiti ərəfəsinə təsadüf edir.