Keçid linkləri

2024, 29 Mart, Cümə, Bakı vaxtı 15:22

Ermənistan Azərbaycan vətəndaşını qaytarır


Noyabrın 4-ü gündüz saat 12-də Ermənistan saxladığı Azərbaycan vətəndaşlarından birini geri qaytaracaq. Ermənistanın Müdafiə Nazirliyindən bildiriblər ki, o, İcevan-Qazax sərhədində təhvil veriləcək. Amma Nazirlik beynəlxalq humanitar qaydalara görə qaytaracağı vətəndaşın adını açıqlamayıb. Yalnız onu bildirib ki, o, 2010-cu ildə Ermənistan tərəfə keçib.

Ermənistan prezidentlərin oktyabrın 27-də Həştərxanda əldə etdikləri razılaşmaya əsasən bu addımı atdıqlarını bildirib.

Bakıdan bildirirlər ki, hazırda Ermənistan mülki şəxs, Tovuz rayon sakini Eldar Tağıyevi, eləcə də əsgərlər Roman Hüseynov və Anar Hacıyevin Ermənistan əsirliyində olduğunu bildirir. Azərbaycan həmçinin Milli Qəhrəman Mübariz İbrahimovun və Fərid Əhmədovun cəsədinin qaytarılmasını tələb edir.

Ermənistan isə Bakıda altı hərbçisinin, beş nəfərlik bir ailənin əsir olduğunu və bir vətəndaşının da meyidinin olduğunu bildirir.

Hələlik, Azərbaycanın qarşı tərəfə kimlərisə qaytarıb-qaytarmayacağı bəlli deyil.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG