Oktyabrın 31-də erməni tərəfinin atəşkəsi pozması nəticəsində milli ordunun əsgəri Fərrux Zeynalov yaralanıb. Müdafiə Nazirliyinin mətbuat xidmətindən verilən məlumata görə, insident bazar günü saat 16.20-də baş verib. Lakin hadisənin baş verdiyi yer açıqlanmır.
Oktyabrın 29-da isə Xocavənd rayonundakı hərbi hissələrdən birində əsgər Rahim Şükürov (1991-ci ildə anadan olub) intihar edib. O, əsgəri xidmətə Xaçmaz rayonundan çağırılmışdı.
Fakt üzrə cinayət işi qaldırılıb. İntiharın səbəbləri araşdırılır.