Oktyabrın 27-də Həştərxana işgüzar səfər edən prezident İlham Əliyev Rusiya və Ermənistanın dövlət başçıları ilə üçtərəfli görüşün ardınca ATƏT-in Minsk qrupunun həmsədrləri Robert Bradtke (ABŞ), Bernar Fasye (Fransa), İqor Popov (Rusiya) və ATƏT sədrinin xüsusi nümayəndəsi Anjey Kasprşiklə bir araya gəlib. Görüşdə Dağlıq Qarabağ münaqişəsinin nizama salınması ilə bağlı aparılan danışıqların hazırkı vəziyyəti və perspektivləri ətrafında fikir mübadiləsi aparılıb.
AzərTAc xəbər verir ki, dünən axşam saatlarında Həştərxandan ayrılan İlham Əliyev Ukraynaya rəsmi səfərə gedib.