Keçid linkləri

2024, 02 May, Cümə axşamı, Bakı vaxtı 01:52

Qız qaçırmağa 1 milyon cərimə


Çeçenistanda 4 ailədən 1-i qızı qaçırmaqla qurulur. Bunu Çeçenistanın insan haqları təşkilatları deyir.

....Çeçen qadını Daqmara xatırlayır ki, onun oğlu orta məktəbdə oxuyanda - 1999-cu ildə öz sinif yoldaşını qaçırıb, evləndi.
“Oğlum 3 yoldaşı ilə birlikdə qızı maşına basıb, qaçıranda qız qışqırırmış ki, o, oxuyub , iş adamı olmaq istəyir, evdə toyuq kimi oturmaq istəmir”.

Ancaq nə olsun. Elə həmin gün oğlanın və qızın qohumları öz aralarında danışıb, toy eləmək qərarını verdilər....

QIZ QAÇIRMAĞA MÜHARİBƏ

İndi Çeçenistan prezidenti Ramzan Kadırov qız qaçırmağa müharibə elan edir.
O söz verir ki, qız qaçıran 1 milyon rubl ( 33500 dollar) cərimə olunacaq. Bu, indiyədək olan cərimənin 30 dəfə qaldırılmasıdır.
Hazırda qız qaçırmağa cərimə təxminən 1100 dollardır.

Prezident söz verir ki, qız qaçırana cinayət məcəlləsinin adam oğurlama maddəsi tətbiq olunacaq. Bu maddə 4 ildən 20 ilə kimi həbs cəzası nəzərdə tutur.

Kadırov deyib ki, cəza elə olmalıdır ki, qız qaçıran əvvəlcə “yüz dəfə fikirləşsin”.

Qız qaçırmaq Çeçenistanda onsuz da təhlükəli işdir. Keçən il qızının qaçırıldığını dərhal bilən valideynlər onun qaçırıldığı maşını qovanda, həmin maşın dağdan aşdı, içindəkilərin hamısı həlak oldu.

QIZ ÇOX VAXT QAÇIRANI HEÇ GÖRMƏYİB

Ən böyük zərbə isə istənilən halda qaçırılan qıza dəyir.
Human Rights Watch təşkilatından olan Tanya Lokşina deyir:
“Bəzən qaçırılan qız onu qaçıranı heç tanımır və heç vaxt görməyib. Çox vaxt qızlar qaçırılandan sonra da tanımadıqları adama ərə getmək istəmirlər. Onda ortaya qızın qohumları çıxırlar. Qızı “başa salırlar ki, bizi biabır eləmə”.

Yerli müsəlman ruhanilərinin çoxu qız qaçqırmağı islama zidd adlandırır.
Dini dərs deyən İmam Məhəmməd deyir ki, “qız qaçırmaq mənəviyyata ziddir və bunu Quran qadağan edir. Mənim arzum odur ki, ailələr qız qaçırmaqla qurulmasın”.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG