ABŞ Dövlət Departamentindən bildiriblər ki, İsrailin şərqi Yerusəlimdə (Qüdsdə) yeni evlər tikmək planı onları məyus edib. Dövlət Katibinin sözçüsü Filip Krovli oktyabrın 15-də mətbuat konfransında deyib ki, bu qərar Fələstinlə İsrail arasında yeni bərpa olunan sülh danışıqlarına zərbə vura bilər
Dünən İsrailin Baş naziri həmin ərazidə 238 yeni evin tikintisi barədə planı təsdiqləyib
Fələstinin danışıqlardakı nümayəndəsi isə deyib ki, bununla İsrail iki tərəf arasında sülh danışıqlarının davam etməsi üçün bütün imkanları öldürür.